ТIекхочийла долу линкаш

ЦIеххьана кхаьчна хаам!

Нохчийчуьрчу заводера 13 миллион сом схьадоьху «Донмаслопродукто»


Гайтаман сурт.

Нохчийчуьрчу заводера 13 миллион сом схьадоьхуш арбитражан кхеле яьлла Ростохара «Донмаслопродукт» компани, яздо «RostovGazeta» зорбанан гIирсо. И гIуллакх къастор ду суьдхоша кхушара Мангалан-беттан 4-хь.

Ростохан кIоштарчу Веселый эвлахь йолу «Донмаслопродукт» комплекс ю маьлхан хӀуш тIеоьцуш а, царах даьтта доккхуш а, кхин дерг деш а. Ткъа цуьнан даьттанца оьшуш болу болх беш йолу завод ю Ростохахь. Соьлж-ГIаларчу «Первый Хлебозавод» бепиг дон заводана 2015-чу шарахь юхалург ахча делла хилла цо 8,5 миллион сом барамехь. Иза шен хеннахь юха а ца дерзийна, и ахча лелориг проценташ 4,1 млн сом) а ца елла Нохчийчуьрчу заводо. Хан тIехяьлча тоьхна 765 эзар сом гIуда а цхьана, дерриг а «Первый Хлебозаводо» дIадала дезаш ду 13 сов миллион сом.

Болчу хаамца, 2017-чу шарахь «Донмаслопродуктана» хилла пайда бу 1 миллиард сом.

«Первый Хлебозавод» олу компани регистраци йина ю Соьлж-ГIалахь. Цо коьртачу декъана бепиг а, ткъа иштта демах мерза кхача а бо. 2017-чу шарахь заводо даьккхинчу ахчанан барам бу 1 миллион 800 эзар сом, ткъа зен хилла цунна 20 миллион 700 эзар сом.

Комментареш

New Comments Available

Оха хьоьхург

XS
SM
MD
LG