Туристашна Нохчийчу баха ца лаарна саготта ю Оьрсийчоьнан президентан зорбанан секретаран Песков Дмитрийн йоI Пескова Елизавета. Цунна хетарехь, и хьал хIоьттина цу республиках лаьцна нехан ойланашкахь стереотипаш хиларна.
Нохчийчоь вуно ваха везаш регион ю Оьрсийчоьнан Федерацин", - яздина 21 шо долчу Песковас шен Инстаграмерчу агIонехь. Цунна хетарехь, Оьрсийчоьнан бахархой бахана ца Iаш Нохчийн Республике хьажа баха безара тайп-тайпанчу пачхьалкхашкара туристаш.
Шена чIогIа халахета карарчу хенахь Нохчийчохь туризм шоръярна новкъарло йон дуккха а стереотипаш хиларна, адамаш цу инзаре хазачу метте ца дохуьйтуш совцош йолу, аьлла Оьрсийчоьнан президентан зорбанан секретаран йоккхаха йолчу йоIа.
