ТIекхочийла долу линкаш

ЦIеххьана кхаьчна хаам!

Шемахь тохарш дарна Iамерко бехкбиллина Асадна а, Оьрсийчоьнна а


Iамеркан Цхьанатоьхначу Штатийн пачхьалкхан департаменто бехкбиллина Димаьшкъна а, Москвана а Шемара конфликт марсаяккхарна. "Маьршачу бахархошна а, юкъараллан инфраструктурана а - школашна а, базаршна а, дарбан хIусамашна а тIе бомбанаш еттар могуьйтийла дац", - аьлла, дIахьедина пачхьалкхан департаментан пресс-секретаро Ортагус Моргана.

Стигалкъекъа-бутт карабеачхьана ситуаци марсаяьлла Идлиб провинцехь. Доккхачу декъанна, Вашингтоно емалдо Асадан эскарша химин герз лелорна. ТIемаш а, тохарш а бахьана долуш 200 эзар гергга вахархо шайн хIусамаш дIатаса декхаре хилла, ткъа дуьненаюкъарчу гуманитаран организацеша болх сацийна.

Оьрсийн эскарша гIо а латтош, Асадан ницкъо тIелетарш до оппозицина. Болчу хаамашца, маьршачу бахархошлахь масех ву вийнарг. Оцу юкъанна Москвано дIахьедо, Идлибехь тIеман шуьйра операци дIахьур яц бохуш.

Комментареш

New Comments Available

Оха хьоьхург

XS
SM
MD
LG