ТIекхочийла долу линкаш

ЦIеххьана кхаьчна хаам!

Шен кIанта туркойн кино чохь дакъалацарх дийцина Кадыровс


Нохчийчоьнан куьйгалхо Кадыров Рамзан а, цуьнан пресс-секретарь Каримов Iаьлви а.
Нохчийчоьнан куьйгалхо Кадыров Рамзан а, цуьнан пресс-секретарь Каримов Iаьлви а.

"Воскресший Эртугрул" туркойн кино чохь шен кIанта Адама дакъалацарх комментари йитина Нохчийчоьнан куьйгалхочо Кадыров Рамзана. Цо дIахьедарца, "Iаламат доккхачу жоьпаллица тIеэцна хилла цо рол ловзор".

"Суна дика бевза и кино яьккхинарш а, цу чуьра актераш а, Туркойчохь цхьанакхеттера со цаьрца, Нохчийчохь хьошалла а дина ас царна. Доккха баркалла ала лаьа суна Боздаг Мехметна, дика болх цо барна. Оцу филмо муьлххачу пачхьалкхерчу кегийрхошна гойту шен даймахках жоьпалла хIоранна а тIехь дуйла", - яздина Кадыровс социалан машанехь.

Карладоккху, хьалхо оцу кинох вистхуьлуш Кадыровс аьллера: "Истори дика ю, амма филм ша ледара ю".

Маршо Радионо яздира еаридийнахь, Нохчийчоьнан куьйгалхочун Кадыров Рамзанан кIанта Адама туркойн "Воскресший Эртугрул" кино чохь дакъалацарх. "Чечня Сегодня" агенталло бинера и хаам, Шелан муниципалан кIоштан куьйгалхочун Ибрагимов Турпал-Iелин информацина тIе а тевжина.

"Массо агIор кхуьуш ву Адам: школехь дика доьшу цо, спортаца уьйрашкахь ву, кеп-кепара совгIаташ дохуш. Суна даггара лаьа хьомсара Адам КадыровгIеран цIийнан тIаьхьенан дозалла хуьлийла, шен деден некъах ца вухуш", - аьллера Ибрагимовс.

Ткъа Нохчийчоьнан куьйгалхочун Кадыров Рамзанан пресс-секретаро Каримов Iалвис дийцина "URA.RU" хьостане, муха аьтто хилла Кадыров Адаман туркойн кино чохь дакъалаца.

"Филман продюсеро Боздаг Мехмета а, сценари язйинчо а кхайкхинера Адам кастинге. Нохчийчохь а, Туркойчохь а дукхачу берашлахь билгалваьккхинера цара Адам", - аьлла Каримовс.

Ишта цо бахарехь, кIентан лаам бара шен актерийн корматалла зен, амма тIаьххьара дош Адаман дас а, нанас а аьллера.

Кхи дIа кинош чохь дакъалоцур ду йа дац Кадыров Адама хууш дац боху пресс-секретаро, хIунда аьлча кIант кхуьуш вац, "хIора де, Iуьйранна буьйса тIекхаччалц цхьацца гIуллакхашкахь дIадоьду цуьнан".

Оха хьоьхург

XS
SM
MD
LG