ТIекхочийла долу линкаш

ЦIеххьана кхаьчна хаам!

Нохчийчохь байначеран доьзалшна 1.6 миллион евро далар тIедожийна Европерчу кхело


Европерчу адамийн бакъонашкахула кхелан симбол.

Францерчу Страсбургехь куп тоьхначу Европерчу адамийн бакъонашкахула кхело Оьрсийчоьнан Iедалшна тIедожийна 2000-2005 шерашкахь салташа дIавигинчул тIаьхьа лар йоцуш вайначу 20 стеган гергарчарна 1 миллион 600 эзар евро ахча далар. Цу хьокъехь сацам бина Страсбургерчу кхело Мангалан-беттан 4-хь.

Болчу хаамца, берриг а и нах лар йоцуш байна Нохчийчохь 2-гIа тIом боьдуш, Оьрсийчоьнан ницкъаллин структураша Iуналла дечу территори тIехь тIеман барзакъ доьхна герзаца хиллачу наха лецна дIабигначул тIаьхьа.

Цу тайппа сацам бинера Европерчу кхело стохка Дечкен-баттахь. Цу хенахь компенсаци елларш бара тIом боьдуш лар йоцуш вайначу 17 стеган гергарнаш.



Комментареш

New Comments Available

Оха хьоьхург

XS
SM
MD
LG