Петарбухан губернаторан декхарш ханна кхочуш деш волу Беглов Александр цхьаьнакхетта Нохчийчуьрчу Iедалан куьйгалхочуьнца Хучиев Муслимца. Бегловс Петарбух кийча хиларх лаьцна хаам бира Нохчийн Республикана индустрин а, IT-ин а сурсаташ дохка.
Шаьш дагахь ду Нохчийчуьра юртабахаман сурсаташ эца, бохуш вара Петарбухан куьйгалхо.
Цул сов, Беглов цхьанакхетта ГIалгIайчоьнан куьйгалхочуьнца Евкуров Юнус-Бекаца. Цу шиммо а дийцаре дина гIалгIайн махкара юьртабахаман сурсаташца Петарбухна кхачо ярца доьзна хаттар.
Шен агIор Петарбух лаам болуш ю ГIалгIайчу молханаш дохка а, цу республикехь мехаза медицинан гIирс зеран белхаш дIабахьа а.
Хучиев а, Евкуров а дакъалоцуш ву Петарбухерчу дуьненаюкъарчу экономикан форумехь.