Набахтин халачу хьелашкахь такха 9 шо хан тоьхна ФСБ-н майор лаьттинчу Стерлягов Павелна ГIебарта-Балкхаройчуьра Макитов Хьусай верна. "Дийриг а кхетош, адаман могашаллина зен дар, оцу бахьаница адам далар" артиклца бехкевина Стерлягов, хаамбо "Бакъонийн Зона" ("Зона Права") цIе йолчу интернет-хьасто.
Талламе ша бехке вац баьхна Стерлядов вилхина шена хан кхайкхош, аьлла: "Сан карах стаг велла, амма вацара со и дахарх ваккха дагахь". ФСБ-хо бехке ву, ткъа стаг вен воллуш ца хилла, аьлла ю кхелехь бехккъасторхоша тIеэцна вердикт.
Прокуроро дехначу 10 шарна дуьхьал тоьхнарг ду 9 шо.
Талламо чIагIдарехь, 2018-чу шеран Охан-беттан 5-чу дийнахь белхан декхарш кхочушдан ГIебарта-Балкхаройчуьрчу Эльбрусан кIошта хьажийна волу Стерлядов а, цуьнан коллега а летта шаьш дига аьллачу метте шен машенахь дIадига реза цахиллачу Микитовх. ЧIоггIа мелла хилла ши ФСБ-хо. Микитовна иттех чов йина уьрсаца Стерлядовс. Йинчу чевнех оцу меттехь велла Микитов.
Шина ницкъхочо йиттина Микитовца хиллачу, цуьнгахьа гIодаккха воьллачу стагана а. Шаьш зулам динчу меттера цул тIаьхьа бевдда ФСБ-хой.