ТIекхочийла долу линкаш

ЦIеххьана кхаьчна хаам!

ГIалгIайчохь берана тIехь Iазап латтор Оьрсийчоьнан Талламан комитето луьстур ду


ГIалгIайчуьрчу 7 шо долчу йоIана еттаран хьокъехь гIуллакх толлур ду Оьрсийчоьнан Талламан комитето аьлла, хааме даьккхина шайн информацин хьостанна тIе а тевжина, "Интерфакс" агенталло.

"ВорхI шо долчу оцу йоьIан дегIа тIехь къиза чевнаш еш, цунна еттарх гIуллакх Оьрсийчоьнан Талламан комитете делла. Пачхьалкхерчу тоьллачу талламчаша луьстур долуш ду и зулам", - аьлла къамел динчо.

Маршо Радионо яздира, Наьсарарчу берийн могушаллин хIусаме кхачорах, дейишо къизаллица йиттина жима йоI. Бехкзуламан гIуллакх диллина оцу хьокъехь.

Наьсаран мэрин информацица, чолхе операци йинчул тIаьхьа реанимацехь ю карарчу хенахь йоI. Мехкан куьйгалхочун декхарш кхочушдечу Калиматов Махьмуд-Iелас тIедилларца дийцарш дIахьош ду Москварчу Рошалян институтца, и йоI дарбадан цига дIайигийта Iалашонца.

XS
SM
MD
LG