Оьрсийчуьрчу регионашна юкъахь синIаткъаман цамгарш йолу нах уггар кIезиг бу Нохчийчохь. Иза гойтуш ду Москох Бехтеровн цIарахчу психиатрин а, неврологин а талламан центро далийна терахьаш, яздо "Коммерсанто".
Цу терахьашца а догIуш, хIора 100 000 стагана юкъахь коьртаца йоьзна цамгарш ловш ву Нохчийчохь 955 стаг. Иза уггар лахара терахь ду. ШолгIачу меттехь ю ГIалгIайчоь - 1157,8. КхоалгIа ю Къилбаседа ХIирийчоь - 1262,7. Москох 5-чу меттехь ю (Москва 1667,4).
Уггар дукха психиатрин а, неврологин а цамгарш кхетта бахархой бу Алтайн махкахь а (6271,2), Чукоткехь а (5193,7), Ямало-Ненецкан автономан гонехь а (4718,4).
