Нохчийчуьрчу Iедалан делегацино Парижехь схьайиллина Visit Chechnya цIе йолу туризман центр. Цунах лаьцна хаам бо ТАСС агенталло.
Нохчийн Республикан туризман министро Байтазиев Муслима дийцарехь, иза дуьххьарлера цу тайпа центр ю Петарбухерчу дуьненаюкъарчу экономикан форумехь цу хьокъехь барт бинчул тIаьхьа схьайоьллучу 4-а центрах. Йисина кхоъ хир ю Берлинехь а, Бернехь а, Истанбулехь а.
Цуьнца цхьаьна гергарчу хенахь кхуллур ю Нохчийчоьнах лаьцна, коьртачу декъана туристийн хьашташна хьажийна, интернетан сайт. Иза маситта маттахь хир ю.
Visit Chechnya цIе а йолуш хьалхара туризман центр кхоьллира 2018-чу шарахь Стигалкъекъа-баттахь Петарбухехь.
Нохчийчоьнан туризман министралло тIаьххьара далийначу терахьашца, 2018-чу шарахь Нохчийчохь хилла 150 эзар гергга турист. Уьш бара Оьрсийчуьра а, Советан пачхьалкхана юкъахь хиллачу пачхьалкхашкара а, ткъа иштта а генарчу а, гергарчу а кхечу пачхьалкхашкара бахархой.