Iамеркан Цхьаьнатоьхначу Штатийн Федералан махбарехула комиссино гIуда тухур ду Facebook-на 5 миллиард доллар барамехь, Cambridge Analytica компанино пайда эцначу клиентиех лаьцна хаамаш лар ца барна. Технологин компанешна тоьхначех уггар доккха гIуда у иза. Амма говзанчаш чIагIдо, таIзар кхин а луьра хила мегаш дара бохуш.
Клиентех лаьцна хаамаш ларбан социалан машано цхьамоггIа гIулчаш йохург хиларх лаьцна Комиссино Facebook-ца барт барх лаьцна яздо зорбанан гIирсаша, The Wall Street Journal-на а, Bloomberg агенталлана а тIе а тевжаш. ХIинца иза тIечIагiбан безаш ю Iамеркан юстицин министралла.
Iамеран махкабаран комиссино тоьхна гIуда 5 миллиард бен дац аьлла хаам кхаьчначул тIаьхьа Facebook-н акцеш язйелла. Стохка цу социалан машанна хилла цIена пайда бара 22 миллиард доллар.
