ТIекхочийла долу линкаш

ЦIеххьана кхаьчна хаам!

Арахьара ракан молханаш чукхехьарна ши ваша лаьцна Нальчикехь


Уголовное дело

Низам а талхош, молханаш дохкарна бехке ву Балахов Мурад, боху Нальчикерчу талламчаша. Германехь вехачу цо «Кейтруд» олу молханаш кхехьна даймахка. Дуккха а хилла клиенташ, амма, шен долахь фирма елахь а, и молха даржо бакъо яккханза хилла Балаховс.

"Диканиг динеххьий бен, вон ца дина оцу стага. Цуьнна дан кечдина та1зар, цуьнгара даьллачуьнга хьаьжча, сов лакхара ду, Мурадна 5-8 шо хан тоха мега набахтехь яккха, ткъа иза харцо ю», - боху Балаховн адвокато Омаров Заура.

Мурадца цхьаьна лаьцна Iедалхоша цуьнан ваша а – шиммо, шайна тIедоккхуш ахча а доцуш, кхехьна цомгушчарна Германера молха.

Ша лаца кхачош хIоьттинчу кхелехь Балахов Мурада дехна гергарчаьрга шен кIанте хIара дешнаш дIаалар: «Хьан да зуламхо вац хьуна, наханна дика дарна бехке ву хьуна иза». Оцу хьокъехь яздина Mash хьостано.

Москох изоляторехь кхобу кху муьрехь молханаш махка кхехьарна бехкевен ши ваша.

XS
SM
MD
LG