"Яблоко" партин декъо чубелла кандидаташ къобалбина Карабулакерчу харжамийн комиссино. Церан могIарахь бу Магасехь лаьттинчу протестан гуламан жигархой а.
Муниципалан харжамаш хир бу ГIалгIайчохь Гезгмашин-беттан 8-чу дийнахь. 39 юьртахь а, гIаланашкахь а хир бу уьш, хийцалур ву депутатийн даржехь 456 стаг.
"Тхешан кандидаташ хьалхатеттина оха Карабулакехь. Харжамийн комиссино тIечIагIбина уьш. Куьйгаш лехьош ду тхо хIинца. 17 кандидат ву оха хьалхатеттина, царалахь протестан боламан жигархой а бу", - элира "Кавказ.Реалиига" ГIалгIайчуьрчу "Яблоко" партин декъан хьалханчас Муцольгов Руслана.
Оха хьалха хаийтина ма-хиллара, Нохчийчоьнца хIоттийна доза юхадаккхар, Евкуров Юнус-Беке мехкан куьйгалхочун дарж дитийтар Iедална тIедожош бара Магасехь Зазадоккху-беттан 26-чохь хIоьттина гулам. ШолгIачу дийнахь иза дIасабаккха хьовсийначу полицина дуьхьалойира гуламхоша. Цул тIаьхьа Iедало дIалехьийра протестан жигархой. Царех 30 гергга стаг лаьцна кхобу Iедало.
Хьажа комменташка
Кхин а комменташ