ТIекхочийла долу линкаш

ЦIеххьана кхаьчна хаам!

Пачхьалкхан Думин депутатна Саралиевна ца хаьа "Скандинави" пачхьалкх йоцийла?


"Цхьаалин Оьрсийчоь" партерчу нохчийн депутато Саралиев Шамсаила низаман проект чуелла, 21 шо кхачанза болчу кегийрхошна малар дохкар доьхкуш. Пачхьалкхан Думин сайто довзуьйту и документ тидаме эцна "Медиазонас".

Низам юкъадаккха дезар чIагIдеш, Саралиевс довзуьйту, муха ду маларш духку низам "цхьамогIа пачхьалкхашкахь: Казахстанехь, Iамеркан Цхьаьнатоьхначу Штаташкахь, Фиджехь, Индонезехь (21 шо), Скандинавехь, Финляндехь, Норвегехь, Швецехь, Японехь, Исландехь, Парагвайхь (20 шо)".

"Скандинави" цIе йолу пачхьалкх дуьнентIехь ян а йоцийла, ишта Европан къилбаседанерчу регионах олийла, оцу агIонна юкъа Швеци, Норвеги, Дани йогIийла хоуьйту "Медиазонас" Саралиевна.

Пачхьалкхан Думин депутат хIоьттина Саралиев Шамсаил 2011-чу шарахь. Цул хьалха цо болхбира Нохчийчоьнан арахьарчу зIенийн, къоман политикан, зорбан а, информацин а министран даржехь.

Оха хьоьхург

XS
SM
MD
LG