Украинин президентан Зеленский Владимиран алапа ду цул хьалха цу даржехь хиллачу Порошенко Петрона луш ма хиллара, хаам бо "Громадське" телеканало, президентан гIуллакхаш лелочу пачхьалкхан урхаллина тIе а тевжаш.
Иштта, Мангалан-баттахь Зеленскийна алапа делла 28 эзар гривна барамехь (72 эзар сом гергга). Цунах цо пачхьакхана ял елла 5460 гривна (14 эзар сом). Кхин тIетоьхна ахча я премеш президентана луш Iедал дац, билгалдаьккхина урхаллехь.
Мангалан-бутт юккъебаьлча хаам бинера, дуьххьарлера президентан Зеленскийн алапа ду 12,7 эзар гривна (32,6 эзар сом я 485 доллар) аьлла. Цуьнах пачхьалкхана йогIу ял дIалуш сацийнера 4 эзар гривна (6,1 эзар сом).