ТIекхочийла долу линкаш

ЦIеххьана кхаьчна хаам!

Харькован аппеляцин кхело лаца сацам бина Оьрсийчоьно дIавоьху нохчо


Украинехь Харькован аппеляцин кхело талламан изоляторе хьажо сацам бина Нохчийчуьра схьаваьлла Илаев Амхьад. Цунах лаьцна Кавказ.Реалиига хаам бина бакъонашларъярхочо Кожушко Николайс.

"ДIалаьцна 2 баттана, иза экстрадицин лацар ду. Адвокато дехар динера иза лаьцна цIахь витахьара аьлла, цуьнан жима бераш хиларна а, иза кхелан кхеташонашка даима а лелаш хиларна а. Амма суд тIетайра прокурорна, Илаев дIалаца веза бохуш волчу", - дийцина кхелан кхеташонехь хиллачу Кожушкос.

Маршо Радионо хьалха яздина ма хиллара, Оьрсийчоьно лехаме веллачу Илаев Амхьадна Харьков гIаларчу Октябрьский кIоштан кхело цIера аравала доьхкучу кепехь лаьцна латто сацам бинера.

Адвокат ю лаьцначун Мезенцева Людмила. "Оха Илаевн бер хиларх, виллинавеха меттиг хиларх, гонах дика цIе йоккхуш хиларх долу кехаташ чуделлира. Лакхарчу Радин депутато Линькос шен жоьпалле оьцуш а вара Илаев, амма оцу депутатера деношкахь дIадолу дарж, цундела кхело тIе ца эцна цуьнан дехар", - дуьйцу Мезенцевас.

МухIажиран статус йоьху нохчочо Украинан миграцин урхалле. Амма Оьрсийчуьрчу талламчаша чIагIдо, иза Нохчийчуьра 5 стаг а вийна ведда, бохуш. Ткъа адвокаташа дийцарехь, Илаевс а, цуьнан вашас а Оьрсийчоь дIатесначул тIаьхьа Нохчийчохь дина хилла зуламаш ду цунна бехкедийраш. Амхьад а, цуьнан жимахволу ваша а Украинехь а волуш, Нохчийчохь хьийза а вина, вийна Оьрсийчоьнан ницкъхоша церан цIахь висина кхо ваша, чIагIдо адвокато Мезенцева Людмилас.

XS
SM
MD
LG