Йочанаш бахьанехь тховкIело йоцуш бисинчу Нохчийчуьрчу кIошташкарчу 70 доьзална гIишлошъяран гIирс белла, хIусамаш меттахIитто махкарчу Iедалхоша. Хьалхо яздира. Байначу беттан тIаьххьарчу дийнахь Хьалха-МартантIехь, ТIехьа-МартантIехь а 200 гергга гIишло йохийна, саццаза ихначу догIанаша аьлла. Нохчийчоьнан куьйгалхочун пресс-гIуллакххоша Iорадаккхарца, 70 хIусамна гIишлош меттвхIитто оьшу гIирс дIакхачийна, юхаденйина 7 социалан объект а. "Карарчу муьрехь кIошташкара мехала йолу социалан объекташ дIатойина: пхи школа а, културан цIа а, дарбан хIусам а. Дуккха а петарш чохь йолу ши цIа а меттахIоттийна, кхин а цхьа доьшийла а ю тойина йолуш. 70 сов доьзална оьшуш болу гIирс дIакхачийна шайн цIенош меттахIоттадайта", - аьллачу хьалхарчу вице-премьеран Тумхаджиев Iисан дешнаш далийна пресс-гIуллакххрша.
