ТIекхочийла долу линкаш

ЦIеххьана кхаьчна хаам!

Ах куьг дIадаьккхина гIалгIайн йоьIан Москварчу лоьраша


Дейишас къиза йиттина Москварчу клиникехь латточу Ажигова Iайшатан ах куьг дIадаьккхина аьлла, хаамбина Москварчу Рошалан клиникан пресс-гIуллакххоша. ГIалгIайчоьнан омбудсмено цхьана ханна доладеш ю иза. Кху беттан 5-чохь клиникан лоьраша консилиумехь сацамбира, аьтту куьг дIа ца даьккхича дер дац аьлла.

"Операцин цхьа этап чекхъели, аьтту куьган чохь са доцу меже дIа а йоккхуш", - аьлла, яздина клиникан зорбанчаша.

Маршо Радионо хьалхо хаийтина ма-хиллара, кху беттан 4-чу дийнахь кхачийна Ажигова Iайша Несарарчу дарбан цIийне, дегIа тIехь дуккха а чевнаш йолуш. Де даьлча кеманца йигина Москох.

Оьрсийчоьнан талламан комитетан ГIалгIайчуьрчу урхаллан белхахочо бехккховдийна 35 шо долчу Ганиева Макке, цо 7 шо долчу шен вешин йоIан Ажигова Iайшатан могашалла вуно талхорна.

"Таллам беш гучудаьлла, 2018-чу шеран Лахьан баттахь дуьйна 2019-чу шеран Товбеца-беттан 3-хь дийне кхаччалц ГIалгIайчуьрчу Соьлжахь ехачу Ганиевас хаддаза доьхка а, маршан кийсаг а йиттина хилар йоIан коьртах а, дегIах а", - аьлла ду Талламан комитетан хаамехь.

XS
SM
MD
LG