Шеман къилбаседа малхбузехь хилла маслаIат талхорна сингаттаме бу Цхьанатоьхначу Къаьмнийн Организацехь (ООН) берш, цигахь гIело яр марсадаларна миллионашкахь болчу маьршачу бахархойн дахарна кхерам латтабо. ООН-ан Шемарчу леринчу векалан хьехамчас Рочди Наджата дина цунах дIахьедар. Цо карладоккху Идлиб провинцехь хиллачу тIемашкахь Охан-баттера схьа верриг а вийнарг 500 сов маьрша вахархо ву аьлла.
Великобританин арахьарчу гIуллакхийн министро Рааб Доминика Шеман президентна Асад Башарна тIехь дуьту маслаIат дохорах жоьпалла. Твиттерехь хоуьйту Рааба, масех де хьалха бартбан реза хиллачу Асада ша дохийна бертан дийцарш аьлла.
Ишта карладоккху цо, Шеман пачхьалкхан эскаршна гIо латтош Оьрсийчоь хилар а. Маьршачу бахархой болчу бомбанаш еттарна Оьрсийчоь а, Шеман Iедалхой а бехкебо бакъонашларъярхоша. Москвано чIагIдо, шаьш тохарш "террорхойн" Iалашонашна бен ца до бохуш.
Еаридийнахь Оьрсийчоьнан тIеман министралло дIахаийтира, Шемара Хмеймимерчу авиабазашна тIе тохарш дарх "град", "скад" олучу дезачу герзашца. Йолчу информацица, вийна шиъ маьрша вахархо, ткъа базана дина зенаш дац.
