ТIекхочийла долу линкаш

ЦIеххьана кхаьчна хаам!

Ша Кадыровна аьлларг юхаэцна Шевченко Максима


Журналиста Шевченко Максима ша аьллачу "кIон дешнашна" шена къинтIера валар дехна Нохчийчоьнан куьйгалхочуьнга Кадыров Рамзане.

Шен YouTube-каналехула Шемал-имамах лаьцна дицинчунна Кадыров "дохковаьлла" аьллера Шевченкос.

Амма иза эфир йина воллушехь, телефон тоьхна цуьнга, цо ша бахарехь, Нохчийчоьнан парламентан куьйгалхочо Даудов Мохьмада, "товш доцу дешнаш" аларна бехк а боккхуш.

"Со, кхеташ ду, кийча ву айса аьлларг юхаэца", - аьлла Шевченкос.

"Чечня сегодня" ("Нохчийчоь тахана") агенталлина ша еллачу интервьюхь Кадыровс критика йинера Нохчийчохь а, Дагестанехь а I9-чу бIешерашкахь Оьрсийчоьнан экспансина тIемашца дуьхьаллаьттинчу Шемал-имамна.

Луларчу Дагестанан спортхоша а, Кадыровца хьошаллехь болчу юкъархоша а, могIарчу бахархоша а социалан машанашкахула халахетар къадийра цо имаман иэс хьадарна. Ткъа Кадыровс шолгIачу дийнахь дIахьедира, шен дешнаш лачдаьхна шегара интервью эцначу журналисташа, аьлла.

Комментареш

New Comments Available

Оха хьоьхург

XS
SM
MD
LG