ТIекхочийла долу линкаш

ЦIеххьана кхаьчна хаам!

Сийлахь-Боккхачу Даймехкан тIеман бIаьхойн сий …НАТО-н вастехь


Гайтаман сурт

Амур-махкарчу Дипкун юьртарчу Дуьненан ШолгIачу тIамехь беллачу бIаьхойн хIоллам эха шарахь лаьттина НАТО-н (Европан а, Iамеркан а эскарийн цхьаьнакхетараллин) вастехь, хаамбо "Сибирь.Реалиино", Amur.Info хьастанна тIе а тевжаш.

Кхушеран Толаман де тIекхочуш карлабаьхна хIолламна тIера васт-битамаш. Амма хIинцца хааделла, Советан пачхьалкхан васташ а доцуш, НАТО-н васташ дуйла хIолламна тIехь, гинарг ву меттигера депутат Ветелкин Валерий.

"Стенгара баьхкина юьрта белхалой хууш дац. Аьчках мемориал йина, бIаьхойн васт а кхоьллина, амма дац васт Сийлахь-Боккхачу тIеман декъашхошна, аьлча а, тIамехь эгначу махкахошна, догIуш. Iамеркан эскаран духар ду царна тIехь, карахь ю Iамеркара М-16 маса-тоьпаш", - боху Ветелкина.

Хилларг толлуш, "Сибирь.Реалиино" йиттинчу телефонна дуьхьал жоп ца делла юьртан администрацино. КIоштан куьйгалхочо Лысакова Тамарас, шаьш хIолламна тIера васт дIадоккхуьйтур ду юьртда садаIа ваханчуьра цIавеача, аьлла.

Хьажа комменташка (1)

ХIара форум дIакъевлина ю.
XS
SM
MD
LG