ГIалгIайчоьнан полицино схьалехна яйна лоьху 13 шо долу йоI. Гучудаьлла иза 19 шо долчу кIанта марейига ядийна хилар, боху мехкан чоьхьарчу гIуллакхийн министрерчу пресс-гIоьналло.
"Кху беттан 14-чу дийнахь шен 13 шо кхаьчна йоI ядийна, аьлла, полице арз чуделира 36 шо долчу Несаран яхархочо. ВАЗ-2110 машенахь бара иза йигинарш, бохура зудчо. Сихха таллам а бина, схьа а карийна, дега-нене дIаелла йоI», – аьлла ю пресс-релиз.
«Адам лачкъор» цIе ю йоI ядийначу юьртахочунна дуьхьалъяьккхина бехктакхаман артикл. Хилларг толлуш ду.