ТIекхочийла долу линкаш

ЦIеххьана кхаьчна хаам!

Хасаров ШаIрани. Кхоллам (КIантана Ризванна)


please wait

No media source currently available

0:00 0:00:50 0:00
Линкана тIе

Хасаров ШаIрани
Кхоллам (КIантана Ризванна)

Хьавззийна, тIехтеси,
Iуьйрено тIехтеси,
Хьавззийна шен зевнийн гIера,
ЗIаьнарша кор дитти,
Диканаш тIехIитти,
Кхолламаш дIабитичи неха.

Амма сан дог лазий,
Кху дийно дог лазий,
ЦIеххьашха тешнабехк бина,
Масане вели цхьаъ
Со холча хIоьттина гина?!

Мила ву и динарг?
Харцонца мотт бинарг?
ТIекхаьчча салам луш лелларг?
Цуьнах ма лай хили
Латийна и сирник
Яггал бен доцчу дуьненан?!

Iуьйрено лазийна,
Дийно дог лазийна,
ГIоьмаша куьйгаш сан къуьйлу.
Ас дог дил-диллинчохь,
Ас ког бил-биллинчохь
Мокхачу лаьттах цIий дуьйлу!

2001 шо

Хасаров ШаIрани нохчийн байтанча а, журналист а ву. 1953-чу шеран гIадужу-беттан 22-чу дийнахь Казахстанан Кзыл-Ордински областерчу Аккун юьртахь дуьнен чу ваьлла. Иза Оьрсийчоьнан Федерацин Яздархойн Бертан а, СССР-н, РФ-н Журналистийн Бертан а декъашхо ву, Нохчийн Республикан хьакъволу журналист а ву.

XS
SM
MD
LG