ТIекхочийла долу линкаш

ЦIеххьана кхаьчна хаам!

Хасаров ШаIрани. Хабар


please wait

No media source currently available

0:00 0:01:35 0:00
Линкана тIе

Хасаров ШаIрани

Хабар

Хьан хабар кхечира хьастах со волчу
"Муха ду-хоьтту ахь, - хIинца вайн цIахь?"
ТIеман цу шерашкахь хIоьттинчохь холча,
Вайн Нана-ДегIаста йитира ахь.

Шовданаш хIинца а хийцанза керча,
Уьш моьлуш цергаш а лехий Iа де.
Дохк йоцчу хIаваэхь лечарчий кхерста,
Йозадеш дахаран жайнешна тIе.

Уьш даха хевшинчу мокхазан бердах,
ТIулг огуш, кадетташ, йоьдуш ю хан.
Миччара?! Эшалур бац мокхаз цуьнга
Берд лакхабийларна кIарглур ду Iин.

Хууш ду дахар а къийсам буй уьзза,
КIаргдой цо шен маьIна, айдой шен сий,
Йиш йоций гIуллакхаш лар йоцуш дисса
Кханенна орцаха мел бевллачийн…

Цу кеппехь Iамийна дара вай жимчохь,
Аьттонаш дIатетта ца Iехон са.
Цкъа мацах вай санна, деган шовкъ хилла,
Тахна хьан дугIур ду вайшинга ла?

ХIинца а хIуьтту со-м кханенна холча,
Тахне а тера ю нехачух сан.
Шух цхьаннан аз хезча, ойла а, дог а
Безаме дIахьовду, селхане ган.

Цигахь ду сан ирс а, хир дуй-те баьхна,
Шал-шера дуьне а семантIехь шен.
Цунна тIехь, жимма а гIуллакх галдаьлча,
Мегар ца хиллера ву баха къен.

ЛадоьгIча, дукха нах хилла бу хьере.
Кхуьуьйтур долуш дац вай шен дуьхе.
Барз боцуш кIант вайна хьийзачу нене
Ала дош ца хилла хIара дуьне.
2002 шо

Хасаров ШаIрани нохчийн байтанча а, журналист а ву. 1953-чу шеран гIадужу-беттан 22-чу дийнахь Казахстанан Кзыл-Ордински областерчу Аккун юьртахь дуьнен чу ваьлла. Иза Оьрсийчоьнан Федерацин Яздархойн Бертан а, СССР-н, РФ-н Журналистийн Бертан а декъашхо ву, Нохчийн Республикан хьакъволу журналист а ву.

XS
SM
MD
LG