Шеман къилбаседа малхбузерчу Идлиб провицехь йолчу Хан-Шейхун гIалана тIелетта президентан Асад Башаран эскарш. И гIала оппозицин тIеман тобанийн карахь ю 2014-чу шарахь дуьйна.
2017-чу шарахь Хан-Шейхунехь химин атака йинера, иттаннаш адамаш а дойуш. Дуьненаюкъарчу эксперташа жамI дира дIаьшен тIелатар динарш президентан Асадан эскарш дара аьлла. Iедалан а, оппозицин а хьасташа хаамаш бо, цу гIалахь тIемаш боьлхуш а, бомбанаш етташ кеманаш а хиларх лаьцна.
Шеман Iедалан зорбанан гIирсаша оршотан Iуьйранна хаам бира, Туркойчоьнан территорина тIера Идлиб гIалана чуеана хиларх лаьцна тIеман техникан ковр.
Идлиб провинци тIаьххьара территори ю Ефратана малхбузенехьа оппозицин тIеман тобанийн карахь йолу. Туркойчоьно а, Оьрсийчоьно а стохка барт бинера цхьана мониторинг ян ши агIо вовшех хьакхалучу дозанехь.
Асадан эскарш севцнера, Идлибана тIе ца леташ. ТIаьхьарчу маситта кIиранах тIемаш бар жигардаьлла. Шеман пачхьалкхан ницкъаш тIелетта Идлибана.