ТIекхочийла долу линкаш

ЦIеххьана кхаьчна хаам!

"Дуьненаюкъарчу банданийн вовшахкхетараллаш йохийна 20 шо кхачар"" мидал кхоьллина Дагестанехь


Васильев Владимир, Дагестанан куьйгалхо

Дагестанехь кхоьллина "Дуьненаюкъарчу банданийн вовшахкхетараллаш йохийна 20 шо кхачар" ("20 лет разгрома международных бандформирований") гIовгIане цIе йолу мидал.

Цу хьокъехь омра дина меттигерчу куьйгалхочо Васильев Владимира. И документ арахецна республикан куьйгалхочун сайта тIехь, яздо "Кавказ.Реалиино".

Цу кехатца а догIуш, мидал лур ю Iедалша омра делла леллачу Дагестанерчу "самооборона" олучу тобанийн декъашхошна а, эскархошна а, ницкъаллин структурийн белхахошна а, меттигерчу Iедалан векалшна а, лоьрашна а, ткъа иштта, 1999-чу шарахь Марсхьокху а, Гезгмашин а шина баттахь "озабезам ца беш контртерроран операци дIаяхьарх лаьцна дийцина болчу" журналисташна а.

Официалан версица, Марсхьокху-беттан 1999-чу шарахь 7-чу дийнахь Басаев Шемила а, Хаттаба а куьйгалла дон тобанаш тIелетира Дагестанна. Цул тIаьхьа дукха хан ялале болабелира Нохчийчохь 2-гIа тIом.

Нохчийчоьнан куьйгалхочо Кадыров Рамзана чIагIдо, ма дарра дийцича, Дагестанехь гIаттам айинарш бара меттигера экстремисташ, ткъа Нохчийчуьра бахархой цхьа а юкъаметтиг йолуш бацара луларчу республикехь хуьлучуьнца бохуш.

Хьажа комменташка

XS
SM
MD
LG