Украинин президенто Зеленский Владимира шайн пачхьалкхан махкалла делла Донбассехь мехкан ницкъийн могIаршкахь тIом бинчу 11 кхечу пачхьалкхарчу вахархочунна. Президентан омрехь билгалдоккхуш ду, украинахойн паспорташ деллачу наха "пачхьалкхан суверенитет а, мехкан цхьаалла а ларйеш Украинин малхбалехь шаьш дакъалаьцна" хилар.
Украинин махкалла деллачу нахана юкъахь ву – Мунаев Тимерхан, дуьненаюкъарчу машарбаран батальонан командиран кIант. Цуьнан да – Мунаев Iийса – кхелхира 2015-чу шарахь Чиллан-баттахь Дебальцево гIалана гергахь хиллачу тIамехь.
"Украинская правда" газетан редакцино хаттар дина президентан Офисе, массера а цIераш юьйцуш ца хиларан бахьана хIун ду аьлла. Деллачу жоьпехь хаам бина, низамашца а догIуш, цу нахах лаьцна болу хаамаш баржор дихкина ду аьлла.
