Нохчийчоьнан долара мехкдаьттан маьIданаш пайдене ерзор тешор ду Самарерчу "Мехкдаьттан сервисан компанина", хаамбо Neftegaz.ru портало.
Цхьаьнакхетар хилла оцу хьокъехь компанин директоран Ендемиров Алексейн Нохчийчоьнан куьйгалхочун а, министрийн кабинетан а администрацин буьйранчица Таймасханов Галасца.
Мехкдаьттадоккху гIирс тобар шена тIеэцна компанино.
Нохчийчуьрчу маьIданийн майданех 2 эзар гергга ю республикан долахь - 7740 гектар лаьтта тIехь 1100 хьоста. Царех дукхахъерш болхбеш йоцу ю дукха зама.
Нохчийчуьрчу мехкдаьттан урхаллин долахь ю 2 сурсаташ кечден меттиг а, гIирс меттахIоттош йолу пхьалгIа а, 4 мехкдаьттан база а, 500 чаккхарма биргIанаш а. Амма и берриг а бахам вуно тиша бу.