ТIекхочийла долу линкаш

ЦIеххьана кхаьчна хаам!

УФСБ куьйгалхочун гIоьнча даржах ваьлла Голуновн гIуллакх бахьанехь


Голунов дIахецийта Москох вовшахтоьхначу митингехь

please wait

No media source currently available

0:00 0:02:53 0:00
Линкана тIе

Оьрсийчоьнан федералан кхерамазаллин сервисан Москох а, Москох кIоштан а урхаллан куьйгалхочун гIоьнчо Медоев Марата дарж дитина жарналист Галунов Иван лаьцна юха дIахецначул тIаьхьа дукха хан ялале, яздо "Iамеркан аз" портало. Цунах лаьцна хаам бина РБК-но, низамаш лардечу органашкара хьастана тIе а тевжаш. "Марат дIаваьккхина балхара цхьа бутт гергга хьалха", аьлла РБК-ца къамел динчу ФСБ-н белхахойх цхьаммо.

Медоев Марат, ФСБ-н инарла-майоран Медоев Игоран кIант вую Иза вара Голуновс Москох белларш дIабухкучу рынках лаьцна бинчу талламехь хьехош. Бехктакхаман гIуллакх а кхоьллина, ша хьийзор ша цунна тIехь болх барца дузу журналисто.

Голуновс бинчу талламехь дуьйцуш дара Медоевна а, цуьнан хьаькамна федералан кхерамазаллин сервисан Москох а, Москох кIоштан а урхаллан куьйгалхочун Дорофеев Алексейна а юххерчу наха Iуналла деш хилар Москох белларш дIабохкарца йоьзначу рынкана.

ББС-но, шен хьастанашна тIе а тевжаш, хаам бо Медоев ФСБ-н цIарх "Газпроман" кхерамазаллин сервисе дехьаваьккхина хиларх лаьцна. Цу компанехь бакъ а ца дина, амма харц а ца до иза.

Хьалхо Baza зорбанан гIирсо, низамаш лардон оарганашкара шен хьастанашна тIе а тевжаш, хаам бира полицино кхоьллинера журналистана Голуновна дуьхьал харц бехктакхаман гIуллкх, ФСБ-хь лаккхарчу даржехь волчу белхахочун дехарца аьлла.

37 шо долу Медоев Марат кIант ву хиллачу Оьрсийчоьнан тIеман министран Сердюков Анатолийн гIоьнча хиллачу Оьрсийчоьнан Турпалхо цIе тиллина волчу инарла-майоран Медоев Игоран.

Хьалхо коррупцица къийсам латторан Фондана гучудаьллера Медоевн Игоран 200 милллион гергга сом мах болу 200 еакIон метр майда йолу петар хилар Москох юккъехь.

2011-чу шарахь, тIеман министран хьехамча а волуш, Медоев Игорь ваха хиира Словакехь. Цо цIа ийцира цигахь хьал долу словакаш, шайна юкъахь цу мехкан президент хилла Гашпарович Иван а волуш, бехачу Лимбах олучу меттигехь.

"Медузан" леррина корреспондент Голунов Иван лецира полицин белхахоша кхушара Мангалан-беттан 6-чу дийнахь. Иза бехкевинера наркотикаш яржорна.

Голуновс дIахьедар дира наркотикаш шена тесна хиларх лаьцна. Голунов дIахецийтар Iалашонца юкъараллин жигара кампани бахьана долуш чоьхьарчу гIуллакхийн министралло дIакъевлира журналистана дуьхьал долийна бехктакхаман гIуллакх.

Низамаш а дохош, Голунов лоцуш дакъалаьцначу полисхошна дуьхьал таллам болийна Талламан комитето. Маситта стаг балхара дIаваьккхина.

Хьажа комменташка

Герз тоьхна стаг верах ялочу версех теший шу?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG