Байначу беттан юккъерчу деношкахь Карачаевн кIоштарчу Орджоникидзен эвлахь Кубань хи чу вахна хиллачу, Нохчийчуьрчу 25 шо долчу Молаев Шемалан дакъа схьакарийна.
"Ширачу тIайна гергарчу Кубина а, Усть-Джегутана а юккъехь карийна цуьнан дегIан чалх", - аьлла, дийцина волонтераша. Гергарчара а тIечIагIдина, хичуьра хьалаваьккхинарг шайн кIант хилар.
Полисхой, орцанхой, волонтераш, меттигера бахархой а цхьана бара Молаев лоьхуш. Луларчу республикашкара нах цхьана оьхура орцах. ДIахIиттина царна юург латтош меттигера зударий а хиллера.
Дал аьтто бойл, хаз болх бу.