Нохчийчуьрчу Лакхарчу кхело набахтехь даккха 25 шо тоьхна Оздиев Хьасанна, герзашца йолчу тобанашлахь оьрсийн эскархошна тIелетарш дина ву аьлла, бехкевина.
Инарла прокуратуран версица, 1999-чу шеран аьхка Басаев Шемала а, Хаттаба а куьйгалла дечу тобанхойх дIакхетта хилла иза. "2004-чу шаре кхаччалц жигара дакъалаьцна цо Нохчийчохь герзашца лелийначу бунташлахь", - аьлла, яздина ду хаамехь.
Ишта билгалдаьккхина, Ведана кIоштахь ши эскархо вуьйш а, юкъахь хилла ву иза аьлла.
