«Йохк-эцаран центрехь яьлла цIе шор ца йолуьйтуш, дIаяйина. Низамхойн информаци ю, стагга а лазийна вац, аьлла. Эладитанаш кхолла а, даржо а тIераболучарна хоуьйту, цIеяларх йолу информаци къайленехь яц, дисинарг дерриг а эладитанаш ду» - боху Кадыров Рамзана шен телеграм-каналехь.
Соьлж-ГIаларчу йохк-эцаран а, садаIаран а «Гранд-Парк» центрехь цIеяьллера еарин сарахь.
«Центран лахарчу гIат тIерачу цхьана туьканах летта цIе, кхераман шолгIа категори хIоттийна оха, тIеоьзна цIейойу техника», - элира орцанхоша журналисташка хьалхо. 12 техника а, 50 цIеяйархо а ву, цо бахарехь, бохам шор ца болуьйтуш хьийзаш.
Кху миноташкахь Кадыровс арахецначу хаамаша тоьшалла дарехь, цIе ерриг а дIаяйина, чоьнашка хьовсуш орцанхошна белларш, лазийнарш ца карийна.
Прессехь а, социалан машанашкахь а даьржинчу видеотоьшаллаша а, Маршо Радион меттигерчу хьасташа а дийцарехь, «Гранд-Паркан» 700 квадрат-метр меттиг дIалаьцнера яьллачу цIаро.
Хьажа комменташка
Кхин а комменташ