ТIекхочийла долу линкаш

ЦIеххьана кхаьчна хаам!

Электронан цигаьркаш Нохчийчохь ехкар хьехна Кадыровс


Нохчийчоьнан куьйгалхочо дехка деза аьлла электронан цигаьркаш Нохчийчу кхехьар а, уьш яржор а. Ишта цо тIедиллина хазаллин салонашкахь а, спортан кхача бухкучу туьканашкахь а талламаш дIабахьа, цара пайдаоьцу препараташ зуьйш, бизнес лелон лицензи юй а хьовсуш. Адамийн могушалла Iалашъяран хеттарш айдинчу кхеташонехь шинаридийнахь вистхилла Кадыров Рамзан оцу хьокъехь.

"Дуккхаъчу дуьненан пачхьалкхашкахь йихкина ю вейпаш. Вайн республика а юкъара йолийла дац. Вейпаш – цамгар ю, адам шех дозуш йолу. Цул совнах, дуьненчохь дуккха а масалш ду, нагахь санна, еххачу заманчохь ахь царех пайдаоьцуш белахь Iожалле кхачаво цара. Цундела дехка деза аьлла хета суна вайн махкахь электронан цигаьркаш йохка а, ийза а", - аьлла мехкан куьйгалхочо.

Ишта цо билгалдаьккхина хазаллин салонашкахь а, спортан кхача бухкучу туьканашкахь а талламаш дIабахьар.

"Говзалла йоцчу косметологаша цхьа а хIума дегаза ца хеташ хьарам ахча даккха некъаш лоьху. Ткъа цара хаздо а бохуш, мехий диттина зударий дарбан хIусамашка кхачабо", - аьлла Кадыровс.

XS
SM
MD
LG