ТIекхочийла долу линкаш

ЦIеххьана кхаьчна хаам!

ГIалгIайчохь кхеле вуьгуш ведда зударшна кхерамаш туьйсуш ахчанаш даьхна меттигера вахархо


Зуламан тобан юкъахь ГIалгIайчуьрчу бахархошкара, коьртачу декъана зударшкара, кхерамаш тийсарца ахчанаш дахарна лаьцна Несаран кIоштара Альтемиров Iийса ведда шена гIароле хIиттийначу полисхойх. Цунах лаьцна хаам бо "Интерфаксо", шен хьасташна тIе а тевжаш.

ГIалгIайчоьнан чоьхьарчу гIуллакхийн министраллан векало бинчу хаамца, Несарарчу кхеле вуьгуш Альтемиров къайлаваьлла кIайн бос болчу Ford Focus машена а хиина. Веддачуьнан цIахь таллам бича карийна и машен.

Error rendering VK.

38 шо долу Альтемиров лаьцнера Марсхьокху-баттахь нахера ахчанаш даха гIоьртина аьлла бехке а вина. Оццу гIуллакхехула лаьцна вара цуьнан ваша 47 шо долу Экажево эвлан вахархо Альтемиров Хьасан.

Талламан версица, цу шиммо дакъалоцучу зуламан тобан декъашхоша 2012-2017 шерашкахь, сий дойуш хаамаш баржор бу шаьш бохуш, кхерамаш а туьйсуш, даккхийн ахчанаш дохуш хилла меттигерчу бахархошкара.

Хаьлхо бинчу хаамца, кхушара Мангалан-баттахь оьгIазбаханчу наха йиттинчул тIаьхьа дарбанан хIусаме кхачийна Альтемиров Хьасан вадийра муьлуш бу ца хуучу наха. Иза дIавуьгуш чевнаш йинера полицин 8 белхахочунна. Царна тIелатар дарна лаьцна ву Сурхотера а, Экажевора а, Несарара а 24-47 шераш долу 4 вахархо.

XS
SM
MD
LG