ТIекхочийла долу линкаш

ЦIеххьана кхаьчна хаам!

Къилбаседа Кавказехь санна лахара дац кхечу регионашкахь алапаш


Оьрсийчоьнан регионийн коьрта шахьаршкахь мел алапа оьцу бахархоша? Оцу хаттарна жоп луш рейтинг хIоттийна «РИА Новости» агенталло.

100 гIалин могIарахь массарел а лахахь ю наханна лучу алапашца Къилбаседа Кавказерчу республикийн коьрта шахьарш: Черкесск – 99-гIа, Магас – 97-гIа, Нальчик – 94-гIа, ХIинжа-ГIала – 93-гIа, Соьлж-ГIала – 92-гIа, БуьритIе – 89-гIа. Масала, Соьлж-ГIалахь болхбечара кхушара эцна алапа, царна юккъехь декъна, юккъерчу бараме далийча, хIоранна баттахь кхаьчна хуьлу 30 эзар сом. Ткъа Москох юккъера алапа ду 100 эзар сом гергга, Сахалинехь – 90 эзар.

Оьрсийчуьрчу 8 федералан гонех алапийн барамашца тIаьххьарниг бу Къилбаседа Кавказан го.

XS
SM
MD
LG