Оьрсийчоьхь Чингисханна дуьххьара хIоттийна хIоллам бу ГIалмакхойчуьрчу Привольни юьртахь схьабиллинарг, хаамбо ТАСС агенталло.
Шина шарахь къахьегна хIоллам беш, васте диллина исторехь хилла дерг, дийцира болх юьхьар а лаьцна, доккхачу декъанна шен ахчанах чекхбаьккхинчу меттигерчу говраш кхиочу "Улан-Хееч" бахаман инарла директора Сангаджиев Джангара.
" Туьлга-аьчка хIоллам бу иза: йиъ метр лекха Чингисханан васт эцна вогIу цуьнан виъ бIаьхо, тIехь ю 4 байракх. Монголийн 4 гаран векалш бу баьччина гонах. ХIолламан когашкахь ду монголийн ширачу "тодо-бичиг" абатца кечдина йоза – мила ву, маца ваьхна Чингисхан хоуьйту цо. Оьрсийчоьхь дуьххьара хIоттош бу оцу ханна хIоллам", - дуьйцу Сангаджиевс.
"Ша композици исторера схьаэцна ю. Чингисхан паччахь хаьржича, наха иштта айвина, шайн белшаш тIехь вигина иза даржан меттигна тIе", - боху меценато.