ТIекхочийла долу линкаш

ЦIеххьана кхаьчна хаам!

Туркойчоь Шема чугIортарна дуьхьал санкцеш яьхна Iамерко


Шеман къилбаседанехь тIеман операци йолорна Iамеркан Цхьанатоьхначу Штаташа Туркойчоьнна дуьхьал санкцеш яьхна. Пачхьалкхан секретаро Помпео Майка динчу дIахьедарца, президенто Трамп Доналда омрана куьйгъяздина. Туркойчоьнан энергетикан а, тIеман а министраллашна дуьхьал а, ишта энергетикан а, чоьхьарчу гIуллакхийн а, тIеман а министрашна а тоьхна санкцеш.

Помпеос дIакхайкхийна, дахначу кIиранчохь Туркойчоьно Шемарчу курдашна дуьхьал йолийна тIеман операци бахьана долуш терроризмна дуьхьал латто къийсам лахбина, маьршачу бахархойн дахар кхераме дерзийна, йоллу регионехь а ситуаци марсаяьккхина аьлла.

Катоххий Шемахь йолийна операци юкъахъяккха аьлла, кхайкхамбина Доналда ЭрдогIане. Шемахь шайн хилла Iалашонаш кхочушйина яьлла Iамерка, шемахой туркойх Iалашбан дагахь дац шаьш аьлла, Твиттерехь юха а хаамбина Трампа, Шеман къилбаседанера шайн эскарш арадаха дагахь хилар билгалдоккхуш. Шайн тIелатаран Iалашо - террорхойх шайн дозанашна болу кхерам дIабаккхар ю аьлла, дIахьедина Туркойчоьно.

XS
SM
MD
LG