Масех де хьалха, оьзда ца леларна девешо шен йоI йийна аьлла, социалан машанашкахула баржийна хаам бакъ бац аьлла зудчо. Шеггара долийнера ша аьлла цо. Видео тIехь гуш ду, хьиджаб тиллина йоI а гойтуш, зудчо нохчийн маттахь дуьцуш, ши сахьт а, ах сахьт а хьалха девешо урс хьаькхна, шен йоI йина бохуш. "ЧП.Чечня" канало Инстаграмехь арахецначу керлачу видео тIехь шен шина берана юккъе а хIоьттина нанас гечдар доьху.
"Iовдал хIума ду соьгара даьлларг. Сайн тилла лела цIийнда цIаверзон Iалашонца дIаязйинера ас и видео. Нахалахь яржо лаам бацара сан. Сайн берийн дена йохьуьйтуш яра со. Со бехке ю, къинтIера довла суна", - боху зудчо.
Шен йоIах лаьцна доцург а кхоьллина, эладита даржийначу нанас шен доьзалхочунна дика болх ца бина аьлла, ненера даьлларг емалдеш комментареш йитина каналан агIонехь меттигерчу бахархоша.
