ТIекхочийла долу линкаш

ЦIеххьана кхаьчна хаам!

ЭльджаркиевгIар байарна куьйгбехке хиларх шеко йолуш лоьхуш ву Картоев


Эльджаркиев ИбрахIим

ГIалгIайчуьрчу экстремизмна дуьхьало латточу Центран (ЦПЭ) куьйгалхо Эльджаркиев ИбрахIим а, цуьнан ваша Ахьмад а верна шеконашка эцнарг билгалваьккхина полицино, яздо "Коммерсанто". Вуьйцург ву ГIалгIайчуьра вахархо Картоев Къурейш.

"Зулам дарна шеконаш кхоллаелла ГIалгIайчоьнан вахархо 1973-чу шарера Картоев Къурейш лоьхуш ву", - аьлла ду Iорадаьккхинчу документ тIехь.

Полицин версица, де хьалха суьйранна ялх сахьт даьллачу хенахь Москвара Хасав-Юьрта йогIучу автобус тIехь хилла иза.

Карладоккху, ГIалгIайчуьрчу полицин «Э» центран куьйгалхо Эльджаркиев ИбрахIим шоьтан сарахь Москварчу Тропарево-Никулино кIоштахь вийра. Оцу хьокъехь баьржина хаам тIечIагIбинера ТАСС а, «Интерфакс» а агенталлийн хьостанаша.

Baza портало дийцарехь, машенахь веана киллер Эльджаркиев волчу метте, герз диттина цунна а, цуьнца хиллачу цуьнан вешина Ахьмадна а.

Комментареш

New Comments Available

Оха хьоьхург

XS
SM
MD
LG