4 сов миллиард сом хьажор ду Нохчийчуьрчу "Ведучи" когсалазийн курортехь керла канатан некъ бан. ТАСС агенталло бинчу хаамца, и ахча лур ду федералан бюджетера.
Некъ бан оьшу гIирс дIакхачор дIадерзо дезаш ду 2022-чу шеран Гезгмашин-бутт чекхбалале. Электронан аукционехь дакъалаца луучу компанийн кехаташ чудала аьтто хир бу Лахьан-беттан 15-чу дийне кхаччалц.
Проектаца а догIуш, канатан некъан йохалла хир 4400 метр, ткъа 30 кабина хир ю хIоранна а чу 32 некъахо а тарлуш. Цу некъан таро хир ю хIора сохьтехь 2 400 стаг дIасавига.
