Шен социалан машанерчу агIон тIехь деллачу хаттарна нийса жоп деллачу махкарчу яхархочунна совгIатна iPhone елла нохчийн куьйгалхочо Кадыров Рамзана, яздо Ставрополерчу "Аргументы и факты" хьостано. Цхьана бевзаш боцчу стоьман сурт хIоттийнера цо, цуьнан цIе хьанна хаьа хоьттуш. "Масех сахьтехь 4 эзар гергга жоьпаш яздира поста бухахь, гранатна а, инжирна а тIера дIадолийна, хорбазан а, редискин а бисте кхаччалц. Ткъа ас хIоттийначу сурт тIехь сайн куьга бешара баьккхина Iаж бара", - дийцина Кадыровс.
Нийса жоп деллачу Дасаева Рометина совгIатна iPhone олу телефон елла куьйгалхочо.
