ТIекхочийла долу линкаш

ЦIеххьана кхаьчна хаам!

"Адамашка ларам бу цигахь" vs. "Пачхьалкхера вадар – ямартло а, стешхалла а ю"


Дагестанера бахархошна лаьий пачхьалкхера дIабаха зийра "Кавказ.Реалиино". Автор Расулова Анастасия.

"Левада-Центро" бинчу талламашца, 18 шарера 24 шаре бевлла 53 процент кегийрхой хьаьгна бу Оьрсийчуьра дIабаха. 2009-чу шарера схьа дуьйна гайтинчу жамIашца хIотттийна ю хIара статистика. Пачхьалкхера дIаваха ойла йолуш, йа дехьабовла кечам бечарлахь цхьа дакъа Путинан агIончаш бу 54 процент. Путинна дуьхьалберш 46%.

Оьрсийчоьнан бахархой пачхьалкхера дIабоьлхучу хьоле бахаран бахьанаш ду:

дозанал а арахьа шайн доьзална токхе дахар лахар (45 %);

пачхьалкхера экономикан (40);

политикан хьал(33%)

кхечу пачхьалкхашкара тоьлла медицинан хьелаш (35%)

кхечу мехкашкара деша таронаш (26%)

дозанал а арахьа карьера ян (28%).

Ишта ду "Левада-Центран" жамIаш. Дагестанхошлахь хаттам бира "Кавказ.Реалиино", лаьий царна Европе дехьабовла аьлла.

33 шо долу Ислам программист ву:

"ХIаъ, лаьара. Адамашка ларам кхин бу цигахь, ларам алсам бу. Коррупци кIезиг ю, дахаран хьелаш а сирла ду. Кхин дIа дуьйций ас?"

19 шо ду Аминин. Лоьран дешар карадерзош ю иза:

"ХIаъ, цигахь лоьрийн алапаш а дика ду. Дешаран тIегIа а лакхара ю, дикачух аппаратура ю".

60 шо долу Наталья пенсхо ю:

"ХIаъ, дIаяха там бара со. Сайн бераш дехьадовла лаьара суна. ХIинццалц цкъа а дагатесна хIума а дацара…Амма бакъду, дIавахарна дохковаьла стаг-м ца хаьа суна".

43 шо ду Артуран. Бизнесхо ву иза:

"ХIан-хIа. Дуккха а хIума ду суна кхузахь ца товш, делахь а, махкара вадар - ямартвалар а, стешхалла а ю. ХIуъа дина а, махкахь хьал толо бахьанаш лелон деза".

Москварчу пачхьалкхан дуьненаюкъарчу юкъаметтигийн Кавказан проблемийн а, регионан кхерамзаллан а Центран Iилманчана Ярлыкапов Ахьмадна хетарехь, пачхьалкхера дIабаха луурш яхначу заманашкахь а даим а хилла бу, тIаьххьарчу шерийн гайтам бац иза.

"ХIинцца адам меттахдаьлла аьлла ца хета суна. Хетарехь дIабаха луучийн терахь стамделла хир ду. Грин-картана квота даим а лакхара хуьлуш ю Оьрсийчохь", - дуьйцу цо.

Экспертан хьажамца, Оьрсийчоьнан бахархой реза бац шайн социалан хьелашна. "Социалан хьелаш толуш дац. Иштта ца тов бахархошна пачхьалкхера хиламаш а, масала, яхъелла кризис", - боху Ярлыкапов Ахьмада.


Путин - даиманна а президент?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG