ТIекхочийла долу линкаш

ЦIеххьана кхаьчна хаам!

Абдурахманов Тумсос хаийтина ша Кадыров маца «Iадвуьтур ву»


Оппозиционеро-блогеро Абдурахманов Тумсос ша Нохчийчоьнан куьйгалхо Кадыров Рамзан «хьевийр вац» аьлла, нагахь санна иза «верриг а вайнашна тIеверзахь».

«Вайн» олучу самукъанечу жанрехь блогершца цхьаьна васт ловзош ши видео арахецна Кадыровс деношкахь. Цаьрга хьаьжначу Абдурахмановс комментари йина, цо «вон ца ловзадо васт», аьлла.

«Кадыровс болх хийцина, кхечу говзаллина ша мегаш а карийна. Иза хIинца вайнер ву. Суна иза чIогIа хазахетта! Долийнарг ца дуьтуш, иза верриг а вайнашна тIеверзаре дог доху ас. Сатуьйсу, цунах Iехавелла а, цо нохчийн къам Iазапехь кхабар дитаре», - аьлла Тумсос.

«Со цунна тIаьхьаваьлла, гIур вац вайнаш яха, цигахь мукъавуьтур ву ас иза сайн критиках. Чувола, Кадыров, верриг а оцу балханна, дIабига хьайца вайнаш яха хьайн го а!», - дехна блогеро.

Шакъастийна Тумсос шена Кадыровс вайнаш яха шеца дIавуьгийла луург – къоман политикан министр Умаров Жамболат. «Иза [Умаров] къасттина товш хир ву Vine жанрехь, оцу тIехь ас даггара аьтто хуьлда шун, боху шуьга!» - дIахьедина Нохчийчуьрчу Iедална кху дерриг а шарахь критика еш схьавогIучу Абдурахмановс.

XS
SM
MD
LG