ТIекхочийла долу линкаш

ЦIеххьана кхаьчна хаам!

Соьлжа-ГIалин полицин куьйгалхочунна санкцеш кхайкхийна Цхьаьнатоьхначу Штаташа. 27 вахархо верца боьзна сацам


Американ Цхьаьнатоьхначу Штатийн Пачхьалкхан департаменто санкцеш яьхна Соьлжа-ГIаларчу полицин коьртерчу Ирасханов Асланна дуьхьал, «кхел а йоцуш 27 стаг верна». Иштта боху департаментан сайто.

Кадыров Ахьмадан цIарх долчу хадаран-постийн декъах (ППС) цо куьйгалла дечу муьрехь байина нах, билгалдоккху Цхьаьнатоьхначу Штатийн Пачхьалкхан департаменто.

"Тхо саготта ду Нохчийчохь адамийн бакъонаш эшош а, наханна тIехь къизалла яллош а, йина кхел а йоцуш, низамца ца догIучу кепехь адамаш лоьцуш, лечкъош, хIаллакдеш хиларна. Оьрсийчоьнан Iедало ца йоху оцу зуламашна дуьхьал ша яха еза гIулчаш, ца доьхку даржашкахь болчу наханна и зуламаш дан некъ. Оцу хьоло куьйгаш досту халкъ хьийзош лелачийн», - боху документо.

Ах шо ду Ирасханов Аслан Соьлжа-ГIалин полицин урхаллехь буьйранча волу. Цо «Кадыров Ахьмадан полках» жоп лучу хенахь, оцу декъо шен гIишлош чохь 2017-чу шеран юьххьехь вийна ша лаьцна хилла 27 мехкан вахархо, аьлла бара «Новая газето» бина таллам.

Нохчийчуьрчу куьйгалхоша даре ца дина оцу зуламах.

Комментареш

New Comments Available

Оха хьоьхург

XS
SM
MD
LG