Оьрсийчоьнан президентан зорбан секретаро Песков Дмитрийс аьлла, дIадаханчу кIиранах Москвахь Лубянка майданахь хилла федералан кхерамазаллин сервисан (ФСБ) белхахошна герз деттар "хьеравалар гучудалар" а, "бохаме хилам" а бара аьлла. Цо дийцарехь, Кремлера комментари ян оьшуш хилам бац иза.
Песковс тIечIагIдина и инцидент хуьлуш Путин ФСБ-н директорца Бортников Александарца цхьаьна пачхьалкхан кхерамазаллин органийн денна леринчу концертехь вара хилар. Цо дийцарехь, президент а, ФСБ-н директор а, "цхьана декъехь" концерте а хьаьжна, дIавахара иза юкъахяьлча.
Москвахь Лубянкерчу ФСБ-н гIишлонна уллехь герз диттира кхубеттан 19-хь суьйранна. ФСБ-н цхьа белхахо вийна, кхин а 4 чевнаш хилла вара. Царах цхьа тIаьхьо велла дарбанан цIийнехь. Чов хиллера маьрша вахархочунна а. ТIелатар динарг вийна. Талламан комитето толлуш ду хилларг.
Дал этто бойла вайн массарнаъ
Тумсо борз араяьлла хьуьнчохь, ларлолаш чаг1алкхаш!
Шен адамех тера йоцучу муц1урна т1е тилла еза цо ник1аб, чадра, гали а. Религино кхоьссина, юхадахийтина ночхчий къам. Школаш, университеташ, дарбан ц1ийнаш ца дехкина, маьждигаш, хафизийн (маь1на доцуш, деккъа дагахь 1аморан) школаш а ехкина. Я метишканийн куьцехь бу, я 1аьржа къийгийн куьцехь бу - оьзда духар лелон меттиг йиса а йисиний те?