Лар ца луш къамел дарна Нохчийчохь бехк ца биллар дехийтар даьржина хиларна концерташца цига ца воьду юморист Галкин Максим. Цунах лаьцна цо дIахьедар дина ГIура-беттан 24-хь ша еллачу интервьюхь. Иза тIехь йолу видео араяьлла "А поговорить?" программан YouTube-каналехь.
"Со дукха луьйш Iедал долуш ву… Со кхоьру цигахь айса цхьа тIехдерг аларна, цундела ца воьду со Нохчийчу. Со дипломат санна айса цхьаъ олуш ларлуш стаг ву, амма цхьадолу сайна хетарг нисса дIаала маьрша хилар дезаш ву со. Со даима а кхоьру, ас цхьа цаоьшург а аьлла, иза нийса тIе ца эца мегаш хиларх. Цул тIаьхьа кхето гIертар а, бехк ца биллар дехар а суна чIогIа ца деза", - дийцина Галкина, ша аьллачух жоп дала ша гIерташ хилар билгал а доккхуш.
"Суна гуш ду цига (Нохчийчу) лелаш болу артисташ цхьа жима-тIама цига хь "паччахьна хьестабалар" лелош хилар. Суна ца лаьа иза лело", - боху юмористо, 2000-чу шарахь ша Нохчийчохь концерт луш хилла хилар а хьахош.
