Forbes журналан версица тIаьхьарчу 10 шарахь уггар дукха ахча даьккхина боксан дуьненан чемпион хиллачу Мейвезер Флойда. 2010 – 2019 шерашкахь американцо даьккхина 915 миллион доллар. Цу ахчанах ах сов гонорар ю филиппинхочуьнца Пакьяо Мэнница а, ирландохочуьнца Макгрегор Конорца а латарна цунна елла.
ШолгIа а, кхоалгIа а меттигаш дIалаьцна футболхоша: Роналду Криштианус ("Ювентус") даьккхина 800 миллион доллар, ткъа Месcи Лионела ("Барселона") – 750 миллион доллар.
Forbes-ан версица 10 шеран уггар хьал долчу 10 спортхочун тептар иштта ду:
1. Мейвезер Флойд (бокс) — 915 миллион доллар;
2. Роналду Криштиану (футбол) — 800;
3. Месси Лионел (футбол) — 750;
4. Джеймс Леброн (баскетбол) — 680;
5. Федерер Роджер (теннис) — 640;
6. Вудс Тайгер (голф) — 615;
7. Майклсон Фил (голф) — 480;
8. Пакьяо Мэнни (бокс) — 435;
9. Дюрант Кевин (баскетбол) — 425;
10. Хэмилтон Льюис (формула-1) — 400.
