ТIекхочийла долу линкаш

ЦIеххьана кхаьчна хаам!

24 шарахь Кавказехь лоллахь хилла стаг маьршаваьккхина Дагестанехь


24 шарахь Кавказехь лоллехь валлийна Богданов Виктор

Къилбаседа Кавказехь вацош 24 шо даьккхина Магнитогорскерчу 69 шо долчу Богданов Виктора. Лоллица къийсам латточу "Альтернатива" волонтерийн боламо дийцина цунах лаьцна.

Жигархоша бахарехь, 1996-чу шарахь Кавказе белхаш бан вахана хилла Богданов. Цигахь даьккхинчу 24 шерех 15 Дагестанерчу тайп-тайпанчу ярташкахь ваьхна иза.

Цо ша дийцарехь, кибарчигаш еш а, тIулг боккхуш а, жа дажош а вацийна иза маьхза. ТIаьххьарчу шерашкахь Левашинскан кIоштахь вехаш хилла иза. БIаьрса а дайна цуьнан, могушалла а телхина. Цундела иза вацош хиллачу хьоладас Махачкала дIахьажийна хилла Богданов.

"Махачкалара иза Москва муха кхаьчна цкъачунна хууш дац тхуна. Полисхоша цигахь лаьцна ханна изолятор чолхь дIатарвинера иза. Юха а цигара дIа полицино юханехьа Дагестане дIахьажийра иза. Ткъа Дагестанерчу полисхоша со тIекхайкхира, тIаккха ас сайца схьавалийра иза", - аьлла, дийцина Дагестанерчу "Альтернативан" векало Исмаилов Закира.

Карарчу хенахь Москвахь боламан шелтерехь ву Богданов. Цуьнан паспорт метта а хIоттош, Богдановн гергара нах лоьхуш бу волонтераш.

XS
SM
MD
LG