ТIекхочийла долу линкаш

ЦIеххьана кхаьчна хаам!

Эспер Марк: Америко дохор дац тIеман низамаш


Американ хӀаваан тIеман кеманаш тIехь долу тIеман хIордан кема (aircraft carrier)

Хьалхо президенто Трамп Доналда дIахьедар дина хиллехь а, ГIажарийчоьнан культуран объекташна тохарш а дина, тIеман конфликтийн низамаш дохар дац Американ эскархоша, дIахьедар дина Цхьаьнатоьхначу Штатийн тIеман министро Эспер Марка, хаам бо "Амеркан аз" зорбан гIирсо.

please wait

No media source currently available

0:00 0:01:40 0:00
Линкана тIе

Дуьненаюкъарчу низамашца а догIуш, культуран объекташна тIелатар дар тIеман зулам дар лоруш ду. Иза билгалдаьккхина ду Трампан администрацино 2017-чу шарахь къобал йинчу Цхьаьнакхеттачу Къаьмнийн Вовшахтохараллан Кхерамазаллин кхеташоно тIеэцначу резолюцехь а, ткъа иштта ХIаагехь 1954-чу шарахь тIеэцначу культуран мехаллаш ларъярехула йолчу конвенцехь а.

ДIадаханчу пIераскан дийнахь Американ Цхьаьнатоьхначу Штаташа дронца тохар дира гIажаройн инарла Сулеймани Касем а вуьйш. Цо чолхечу яьхна ишта а гIоьртина йолу Вашингтонан а, ТехIранан а юкъаметтигаш. Ткъа цо кхерам тесна шина пачхьалкхана юкъахь тIеман конфликт эккха мегаш хиларна.

Вашингтоно дIахьедар дина, Сулеймани вийна шаьш, Американ махкахошна тIелатар дан а, Цхьаьнатоьхначу Штаташна мехала хетачун новкъарло ян а цуьнан хилла планаш йохор Iалашонца аьлла.

Сулеймани верна бекхам бан кхерамаш туьйсуш ГIажарийчоь а йолуш, Трампа Твиттерехь яздина, Цхьаьнатоьхначу Штаташа ГIажарийчоьнан 52 объект хаьржина тохарш дан Iалашо санна, шайна юкъахь цхьайолу "ГIажарийчоьнна а, цуьнан культурина а" мехала ерш а йолуш аьлла.

"Царна магийна ду, некъаца бомбанаш а йохкаш, вайн адамаш лелхийта, ткъа вайна бакъо луш яц церан культуран мехаллаш хьеян. Иза иштта болх беш дац", - дIахьедар дина Трампа кIирандийнахь, журналисташна хьалха вистхуьлуш.

ХIун Iалашо йолуш пайда оьцу аш Facebook санна болчу социалан машанех?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG