Узбекистанерчу Бухаран кIоштарчу вахархочо республикан президентан Мирзиеев Шавкатан порталехь дехар дина, Дагестанерчу UFC-н чемпионца Нурмагомедов Хьабибца ша тасавилийтахьара аьлла. Цу кепарчу лаамца цхьанхьа а ваьлла вацара ша, амма президенте дехар дара шен, дагестанхочуьнца тасавалар вовшахтохахьара аьлла, яздо цуьнан дешнашца sports.ru хьостано.
Ша а, Хьабиб а лата волавалале хьалха лоьрашкахула шаьшиъ чекхвалийтар тIедожийна 40 шо долчу узбекистанхочо.
Билгалдаккха догIу, Нурмагомедов Узбекистанехь а гоьваьлла хилар. Дахначу шарахь масийтазза веара иза Узбекистане президентан невцо хьошалгIа кхайкхина.